La opare e je stade fate intal 2006 daûr dal progjet dal Architet Leonardo Miani (1957-2008).

La vascje de font dal batisim e la sede pe unzion CRISMAZION a ricualifichin il lûc, che la sô architeture, za dal imprin, intal intindiment dal Beât Patriarcje Bertrant, e jere pensade tant che Batisteri di chel che al jere il Domo, cumò Catedrâl.
La predisposizion dal Batisteri, duncje, e rispuint ae riforme dai rituâi sacramentâi de iniziazion cristiane daûr dal Concili Vatican II. Il Batisteri al è, di fat, il lûc sacramentâl de muart e de rinassite di cui che al crôt in Crist: di chest sacrament de Pasche la vascje otagonâl pe imersion e je il segn di fonde, che si met in relazion, in maniere evocative, cul sarcofac destinât aes relicuiis dai Sants martars, il vescul Macôr e il diacun Fortunât, testemonis de fede e Patrons de Arcidiocesi.