Furlan
Sala 1 Batisteri
Batisteri - Capele di Sant Zuan Batiste
Il Patriarcje Bertrant, intal 1348 daspò dal taramot che intal Zenâr di chel an al veve scjassât Udin e il Friûl, al à fat tirâ sù l’edifici. In plui dal titul di Batisteri al veve chel di capele di Sant Zuan Batiste, e in cualchi document di chê volte al è nomenât ancje tant che Ecclesiam Sancti Joannis. I arcs a cuestis si sierin intune clâf cu la figure di Sant Zuan Batiste rapresentât cu la man drete che e segne il bas, cu la çampe che e ten une cartele cu la scrite Ecce agnus dei. Sul imprin si podeve jentrâ dome pe puarte che e je a Nord (jentrade dal museu), nol jere nissun colegament cu la glesie (Foto 1).
Parsore dal Batisteri al è stât tirât sù il cjampanili di modons (1441-1450), progjetât di Cristoful di Milan. Lu à costruît Bortolomiu des Cistiernis. Lis struturis architetonichis dal Batisteri a son stadis modificadis par resons statichis. (Foto 2, 3).
Foto 1
Foto 2
Foto 3
A son stâts rinfuarçâts i mûrs che par difûr a son stâts rivistîts di piere grise cjargnele (Grigio Carnico) e piere blancje di Nimis (Bianco di Nimis), A son stâts rinfuarçîts i volts cun pilastris di piere e, dentri, i cjantons cun semipilastris polistîi A di piere di Torean (Pietra di Torreano) (piere piasentine) (Foto 4) e piere rosse di Sante Gnese (Rosso di Sant’Agnese) (Foto 5) par vê plui sostegn.
Foto 4
Foto 5
Cumò didentri si viodin lis formis slungjadis e sutis dal stîl gotic, cui efiets di colôr dâts de cualitât des pieris dopradis. Adalt a son stâts implantâts i arcs di fonde dal tor, e rialçât il ferâl dal cjampanili, là che a son cinc cjampanis. (Foto 6, 7, 8).
Foto 6
Foto 7
Foto 8