A Sud dal Domo e je la glesie- oratori de Beade Vergjine de Puritât. Sul imprin l’edifici al jere un teatri, acuisît dal Patriarcje Denêl Dolfin par trasformâlu in lûc di cult di destinâ ae educazion di frutis e fruts.
La decorazion a fresc dal sofit cu la Assunte e je opare di Gian Battista Tiepolo, invezit a son di so fi Giandomenico lis senis pituradis intai mûrs, cun episodis gjavâts dal Antîc Testament e dal Gnûf Testament là che i protagoniscj a son fruts o a àn par teme la famee (1759).
In cheste glesie ogni sabide dopomisdì si fâs Messe par furlan.